Sut i gael mynediad at ofal milfeddygol am ddim

Os hoffech gael cymorth gyda gofal milfeddygol, dyma rai o'r ffyrdd y gallwch gofrestru eich ci ar ein Prosiect Gobaith:

Llenwch y ffurflen hon. Bydd angen i ni gysylltu â chi i gadarnhau cwpwl o fanylion cyn cofrestru eich ci ar ein prosiect.
Ffoniwch ni ar 020 7833 7611. Rydym ni ar gael o ddydd Llun i ddydd Gwener, rhwng 9am a 5pm. Os nad oes gennych gredyd, llenwch y ffurflen ar ein tudalen gyswllt ac fe wnawn ni eich ffonio’n ôl.
Anfonwch neges e-bost at hopeproject@dogstrust.org.uk.
Os ydych eisoes yn cael cymorth drwy wasanaeth digartrefedd sy'n cymryd rhan, gallant wneud cais ar eich rhan.

Yn ogystal, bydd angen i ni gael cadarnhad o'ch sefyllfa dai gan rywun sy'n eich cefnogi. Gallai hyn fod yn neges e-bost gan eich gweithiwr cymorth neu gopi o lythyr gan eich swyddog tai.

Gan ein bod ni'n helpu gyda gofal milfeddygol eich ci, rydym ni eisiau gwneud yn siŵr eich bod chi'n cael eich cefnogi hefyd. Byddwn yn mynd trwy hyn i gyd gyda chi pan gawn sgwrs.

Rydym yma i chi a'ch ci a byddwn yn talu am unrhyw driniaeth tra'ch bod chi’n ddigartref.

Sylwch mai dim ond dau gi y person y gallwn eu cofrestru ar ein Prosiect Gobaith. Mae hyn yn sicrhau y gallwn helpu cymaint o gŵn a'u perchnogion â phosibl.

Cofrestru eich ci