Help i ddod o hyd i wasanaethau digartrefedd sy’n gyfeillgar i gŵn
Rydym ni'n gwybod pa mor anodd y gall fod i ddod o hyd i lety a chymorth i chi a'ch ffrind bach blewog.
Rydym ni yma i helpu.
Rydym ni wedi llunio rhestr o wasanaethau digartrefedd sy'n gyfeillgar i gŵn ledled y DU a all helpu i ddod o hyd i dai a chymorth i chi a'ch ci.
Cymorth gyda gofal milfeddygol am ddim i’ch ci
Mae gofalu milfeddygol yn rhan fawr o gadw eich ci yn hapus ac yn iach. Dyna pam rydyn ni’n darparu gofal milfeddygol am ddim i chi os ydych chi’n ddigartref neu mewn perygl o fod yn ddigartref, fel wedi cael gorchymyn troi allan, gyda dyledion morgais neu ôl-ddyledion rhent neu os ydych chi’n cael cymorth gan eich awdurdod lleol o dan y ddyletswydd 56 diwrnod i atal digartrefedd.
Byddwn yn talu cost triniaethau hanfodol a brys ar gyfer eich ci yn eich milfeddygfa leol.
Gwasanaethau cyngor a chymorth digartrefedd
Byddwn bob amser yn eich helpu chi a'ch ci mewn unrhyw ffordd y gallwn. Fodd bynnag, mae rhai pethau y tu hwnt i'n harbenigedd, a dyna ble y gall sefydliadau eraill ddod i’r adwy.
Edrychwch ar ein rhestr o sefydliadau eraill a allai fod yn ddefnyddiol i chi.